本帖最后由 Mia酱 于 2016-12-30 10:17 编辑
都唔洗睇2017年1月嘅电影排期 就知道係国产片嘅天下 贺岁档当然要出嚟搵下银啊 唔知今年边部电影有机会追上《美人鱼》呢？ 就等小编介绍一下一月份嘅 贺！岁！大！片！
《星球大战外传：侠盗一号》 上映日期: 2017年1月6日 故事背景设係《星际大战》三部曲同四部曲之间，但系情节独立于《星战》，讲述佐一班义军（Rebel）集结并计划係死星建成之前偷走设计图，企图推翻帝国嘅故事。12月已经係北美上演咗喇，口碑同票房齐飞，烂番茄新鲜度达85%，IMDb8.2分。 值得一睇嘅係甄子丹係电影中饰演盲侠，而姜文就饰演甄子丹粗暴草率嘅搭档。而且今次係星战系列电影第一次采用中国演员，两个人都有比较多嘅戏份！
呢部外传战争场面超多，甚至比之前七部《星球大战》电影都多，场面宏大，动作劲爆，星战场面一下子就燃爆了。所以係非常值得期待嘅贺岁档大片！
《西游伏妖篇》 上映日期: 2017-01-28 最有力冲击上一年贺岁票房冠军《美人鱼》嘅电影，当然都係呢部《西游伏妖篇》啦，有吴亦凡扮唐僧，林更新扮孙悟空，就已经吸引到一大班迷妹。
大年初一上映，无论电影烂唔烂，票房都会爆，再加上周星驰监制编剧、徐克做导演喔。而且从人设、台词以及布景来睇，《西游伏妖篇》有大话西游嘅影子，而且主打无厘头搞笑风格，全家大细都岩睇~
《一万公里的约定》 上映日期: 2017-01-06 由周杰伦、林义杰跨界监制，黄远、王大陆、赖雅妍联袂出演嘅爱情励志电影。王大陆更公开表示绝对唔输比《我的少女时代》！
呢部电影係周杰伦同王大陆嘅首度合作，两大男神会擦出咩火花好令人期待。而且周杰伦仲担任埋电影嘅音乐监制，电影BGM肯定有质量保证！
《玩命直播》 上映日期: 2017-01-06 相信好多人都冲住女主角係Emma而去睇呢部电影，电影讲述咗乖乖女Vee喺网上玩“真心话大冒险”，点知越玩越失控，最后先发现原来係比一班自称“监控者”嘅人操纵...
游戏嘅设定令剧情好紧凑，悬念重重，虽然国外已经上咗半年，但係都值得喺电影院一睇~
《一路逆风》 上映日期: 2017-01-06 电影围绕邓紫棋出道10年嘅故事展开，讲述咗一个深受90后欢迎嘅年轻音乐人，从一鸣惊人到走向巅峰，再从低谷嘅绝望到一路逆风飞扬，所以电影其实就係G.E.M嘅一部自传。
一直受到好多争议嘅阿G.E.M，话希望同过呢部电影令大家重新认识佢，小编都好期待呢部自传电影究竟会讲述关于邓紫棋点样嘅一个故事。
《天空之眼》 上映日期: 2017-01-13 电影讲述咗一个军事情报官为咗抓捕一名恐怖分子而指挥无人机轰炸任务过程中发生嘅故事。有较多暴力镜头，所以岩上映嘅时候有啲国家甚至比咗R嘅等级。
全片几乎无咩大特技、大场面，连高潮部分都只係一场爆炸，但係丝毫唔影响佢俾观众带来嘅紧张刺激感。睇完就好似亲身参与咗一次反恐行动咁~
《魔弦传说》 上映日期: 2017-01-13 LAIKA工作室出品嘅定格动画。呢个工作室可能听落有啲陌生，但係讲到《僵尸新娘》同《鬼妈妈》，你地应该就知喇~今年8月喺北美上映，IMDB 8.3分、烂番茄 90%，好评不断~
哥特风同定格动画嘅传统喺电影入面都得以保留，更令人惊喜嘅係从日本文化取经，加入咗丰富嘅东方美学元素，色彩绚丽咗好多，动作场面都更加流畅震撼，适合带小朋友去睇。
《太空旅客》 上映日期: 2017-01-13 电影由大表姐詹妮弗·劳伦斯同星爵克里斯·普拉特主演嘅科幻片，曾经令好多人超级期待。但係电影喺12月北美上映后，口碑超差，烂番茄新鲜度得32%。
G.E.M邓紫棋更为电影创作中文版嘅主题曲，唔知呢部科幻太空片播中文歌会有啲咩感觉...
《少年巴比伦》 上映日期: 2017-01-13 电影改编自作家路内嘅同名小说，讲述一个上世纪90年代嘅故事。《少年巴比伦》 係一部唔玩套路嘅青春片，可以勾起好多人嘅青春回忆，相比一啲浮夸嘅大制作，呢部电影可以讲诚意满满！
《健忘村》 上映日期: 2017-01-28 由舒淇、王千源主演嘅《健忘村》画风清奇，脑洞大开，故事围绕可以令人忘记烦恼嘅宝器展开，演绎一段匪夷所思嘅故事。而且贺岁档点可以错过舒淇女神嘅电影呢~
《大闹天竺》 上映日期: 2017-01-28 王宝强首次担任导演嘅作品，电影去到印度取景，节奏轻松，风格、颜色和服饰都好有印度风。
“王宝强”式嘅喜剧风格令观众好期待，更係一部喜剧同功夫相结合嘅电影~喺年初一上映，正撞星爷嘅《西游伏妖篇》，两大喜剧大师会撞出啲咩火花呢？
《功夫瑜伽》 上映日期: 2017-01-28 岩摞完奥斯卡终生成就奖嘅成龙又翻嚟喇~《铁道飞虎》岩上映完，另外一部《功夫瑜伽》又要喺年初一登场啦。呢部贺岁片係由佢嘅老拍档唐季礼导演编剧嘅，主打功夫嘅成龙式喜剧，更多咗啲异国风情同搞怪元素~感觉会受到唔同年龄层嘅朋友欢迎~
《决战食神》 上映日期: 2017-01-28 最近谢霆锋好似已经完全转型成为厨神，唔单止喺演唱会上面煮咗20分钟面，呢家喺电影入面都要演厨神，以后睇谢霆锋演戏可能再都唔会见到佢摞枪，而係摞菜刀喇！
《决战食神》係首部利用4D特效嘅华语美食电影，更耗资千万人民币打造美食街拍摄，仲去咗捷克布拉格取景，无谂到美食电影嘅制作成本仲贵过警匪片啊~
《乘风破浪》 上映日期: 2017-01-28 导演韩寒，主演邓超、彭于晏、赵丽颖、董子健，呢个阵容真係几吸引人！而电影係围绕一个唔被理解嘅赛车手阿浪而发生嘅故事，睇落应该都係一个几温馨励志嘅故事，值得期待~
▼
2017年1月贺岁档嘅所有电影 小编就列晒出嚟喇 好多电影都值得一睇 感觉要喺电影院贡献唔少票房喇~ | 
241325
